இலங்கையின் தொழில்நுட்பத்துறையில், குறிப்பாக Cybersecurity தொடர்பில் ஒரு முக்கியமான அப்டேட் தற்போது வெளிவந்துள்ளது.

எமது நாட்டின் அரச நிறுவனங்கள் மற்றும் முக்கிய தகவல் உட்கட்டமைப்புகளின் (Critical Information Infrastructure) சைபர் பாதுகாப்பை (Cybersecurity) மேலும் வலுப்படுத்தும் நோக்கில், Sri Lanka CERT (Sri Lanka Computer Emergency Readiness Team) ஆனது தேசிய மட்டத்திலான ஒரு புதிய ஆய்வுப் பிரிவை அறிமுகப்படுத்தியுள்ளது. இதன் பெயர் தான் MATH Lab (Malware Analysis and Threat Hunting Lab).

ஏன் இந்த புதிய பிரிவு? (The Need for MATH Lab)

பொதுவாக ஒரு சைபர் தாக்குதல் (Cyber Attack) நடந்த பின்னரே அதனைச் சரிசெய்யும் நடவடிக்கைகள் (Reactive incident response) எடுக்கப்படும். ஆனால், இந்த MATH Lab இன் பிரதான நோக்கம், ஒரு தாக்குதல் நடப்பதற்கு முன்னரே அதனை முன்கூட்டியே கண்டறிந்து தடுப்பதாகும் (Proactive Threat Detection).

தற்போது இலங்கையில் Digital Government சேவைகள் மற்றும் ஒன்லைன் தளங்களின் பாவனை வெகுவாக அதிகரித்து வருகின்றது. இதற்கேற்ப Phishing attacks, Data breaches மற்றும் இணையத்தளக் குறைபாடுகளைப் பயன்படுத்தி செய்யப்படும் சைபர் தாக்குதல்களின் (Cyber threats) எண்ணிக்கையும் அவற்றின் தன்மையும் நாளுக்கு நாள் மிகச் சிக்கலானதாக மாறிக்கொண்டு செல்கிறது.

ஏற்கனவே இயங்கி வரும் NCSOC (National Cyber Security Operations Centre) இனால் மையப்படுத்தப்பட்ட கண்காணிப்பு மற்றும் Incident Response வேலைகள் மேற்கொள்ளப்பட்டு வந்தாலும், அச்சுறுத்தல்களை முன்கூட்டியே கண்டறிந்து ஆராயக்கூடிய (Proactive threat identification and sophisticated analysis) ஒரு விசேட பிரிவின் தேவை நீண்ட நாட்களாகவே உணரப்பட்டு வந்தது. இதன் விளைவாகவே இந்த MATH Lab தற்போது உருவாக்கப்பட்டுள்ளது.

MATH Lab இன் முக்கிய செயற்பாடுகள் என்னென்ன?

NCSOC இன் பணிகளுக்கு வலுச்சேர்க்கும் வகையில், இந்த MATH Lab பிரதானமாக மூன்று விசேட செயற்பாடுகளை முன்னெடுக்கவுள்ளது:

• Proactive Threat Hunting: சர்வதேச தரத்திலான வழிமுறைகளைப் பயன்படுத்தி, அரச நெட்வொர்க்குகளுக்குள் (Networks) மறைந்திருக்கும் ஆபத்துக்களை அவை பாதிப்பை ஏற்படுத்தும் முன்னரே தேடிக் கண்டறிதல்.
• External Attack Surface Monitoring (EASM): இணையத்தில் அணுகக்கூடிய அரச நிறுவனங்களின் டிஜிட்டல் சொத்துக்களை (Digital Assets) தொடர்ச்சியாகக் கண்காணிப்பது. இதன் மூலம் அந்த சிஸ்டம்களில் உள்ள பலவீனங்கள் (Vulnerabilities), Configuration தவறுகள் மற்றும் Hackers உள்நுழையக்கூடிய வழிகளைக் கண்டறிந்து சரிசெய்ய முடியும்.
• Cyber Threat Intelligence (CTI) Sharing: சைபர் அச்சுறுத்தல்கள் தொடர்பான தகவல்களைச் சேகரித்து, பகுப்பாய்வு செய்து, எந்தெந்த அரச நிறுவனங்களுக்கு பாதிப்பு வர வாய்ப்புள்ளதோ அவர்களுக்கு உடனுக்குடன் அந்த தகவல்களை வழங்கி முன்கூட்டியே தற்காப்பு நடவடிக்கைகளை எடுக்கச் செய்தல்.

இதனால் கிடைக்கப்போகும் நன்மைகள் என்ன?

இந்த MATH Lab ஊடாக சுகாதாரம், கல்வி, மின்சக்தி போன்ற அத்தியாவசிய சேவைகளை வழங்கும் 250 க்கும் மேற்பட்ட அரச நிறுவனங்களின் இணையப் பாதுகாப்பு பலப்படுத்தப்படவுள்ளது.

இதன் மூலம், ஹேக்கர்கள் சிஸ்டமிற்குள் ஊடுருவி இருக்கும் நேரம் (Attacker dwell time) வெகுவாகக் குறைக்கப்பட்டு, ஆரம்பக் கட்டத்திலேயே அச்சுறுத்தல்கள் கண்டறியப்படும். மேலும், இலங்கையிலேயே Malware Analysis மற்றும் Threat Hunting தொடர்பிலான நிபுணத்துவமும் (Local expertise) வளர்த்தெடுக்கப்படவுள்ளது. இதனால், எதிர்காலத்தில் பெரிய அளவிலான சிக்கலான சைபர் தாக்குதல்களை எதிர்கொள்ள வெளிநாடுகளின் உதவியை நம்பியிருக்க வேண்டிய தேவை எமது நாட்டிற்கு வெகுவாகக் குறையும்.

இலங்கையின் தேசிய டிஜிட்டல் கட்டமைப்பை (Digital Infrastructure) பாதுகாப்பதிலும், அரச டிஜிட்டல் சேவைகள் மீதான மக்களின் நம்பிக்கையை அதிகரிப்பதிலும் இந்த MATH Lab ஒரு மிகச் சிறந்த முன்னெடுப்பாகும். எமது நாட்டின் Cybersecurity துறையை இது அடுத்த கட்டத்திற்கு எடுத்துச் செல்லும் என்பதில் எந்த சந்தேகமும் இல்லை.

நீங்களும் Tech தொடர்பான செய்திகளை உடனுக்குடன் அறிந்துகொள்ள தொடர்ந்து இணைந்திருங்கள்!